Almatyda avtobýs kóshe shamynyń baǵanasyna soǵyldy
ALMATY. QazAqparat - Almatyda avtobýs júrgizýshisi baǵanaǵa soǵylyp, saldarynan bir jolaýshy zardap shekti, dep habarlaıdy QazAqparat tilshisi.
Jol apatynyń vıdeosy áleýmettik jelide tarap ketti.
Qalalyq polıtsııa departamentiniń málimetinshe, oqıǵa 23 qazan kúni keshki saǵat 21:40 shamasynda bolǵan.
«Jaz le» markaly avtobýstyń júrgizýshisi Raıymbek dańǵylymen shyǵys baǵytta kele jatyp, Turǵyt Ozal kóshesiniń qıylysynda, rýldi basqara almaı, kóshe shamynyń baǵanasyna soǵyldy.
«Jol-kólik oqıǵasy saldarynan avtobýstyń bir jolaýshysy medıtsınalyq mekemege jetkizildi. Materıal Almaly aýdandyq polıtsııa basqarmasynyń óndirisinde», - dedi Almaty qalasy polıtsııa departamenti tergeý basqarmasynyń bastyǵy Oljas Sháripov.
