Almatyda avtobýs kólik apatyna ushyrap, 1 jolaýshy japa shekti
ALMATY. QazAqparat - Almatyda jol jıeginde turǵan evakýatorǵa baǵdarlyq avtobýs soǵylyp qaldy, dep habarlaıdy QazAqparat tilshisi.
Kólik oqıǵasy Altynsarın kóshesinde bolǵan. Avtobýs soltústikke qaraı ketip bara jatqan. 66 baǵdardaǵy avtobýs júrgizýshisiniń aıtýynsha, aıaldamaǵa sál qalǵanda qoǵamdyq kólikke arnalǵan jolaqta onyń aldyn belgisiz jeńil kólik kesip ótken. Osy sátte ol evakýatorǵa baryp soǵylǵan.
Avtobýstyń esigi zaqymdanǵan. Qoǵamdyq kólikte 20 shaqty jolaýshy bolǵan. Bári oryndyqta otyrǵan. Alaıda esiktiń terezesi shaǵylyp, bir adam japa shekti. Ol aýrýhanaǵa jatqyzyldy.
