Almatyda avtobýs kameralary arnaıy jolaqqa shyqqandardy tirkeıdi
ALMATY. QazAqparat - Almatydaǵy jańa avtobýstar qoǵamdyq kólikterge belgilengen jolaqqa shyǵyp, ereje buzǵan kólikterdi tirkeıtin bolady. Jańa tehnologııany búgin Almaty ákimi Baýyrjan Baıbekke tanystyrdy, dep habarlaıdy QazAqparat tilshisi.
Qoǵamdyq kólik úshin jasalǵan jolaqtarda jol qozǵalysy erejesin buzǵandardy belgileıtin júıeni tanystyrǵan mamandar onyń negizgi ereksheligin aıtty.
«Avtobýstarǵa vıdeokamera ornatylady, ol arnaıy jolaqqa shyǵyp ketken kólikti birden anyqtaıdy. Kóliktiń nómiri avtomatty túrde derek qoryna alynyp, qalalyq ІІD-ige jiberiledi. Testilik rejimde jumys istegen bul júıe 3 kún ishinde bir trolleıbýstyń 104 ret tártip buzǵanyn kórsetti. ıAknı, 1 mln teńgeden astam aıyppul salynýy kerek. Júıe qoǵamdyq kólik qana emes, jeke avtojúrgizýshilerdi de tártipke shaqyrady», - dedi júıeni jasaýshy kompanııa ókili Aleksandr Satın.
Aıta keterligi, júıeni QR Qorǵanys jáne aeroǵarysh mınıstrliginiń Ǵarysh tehnıkasy men tehnologııasy ınstıtýty jasaǵan, onyń barlyq komponentteri Qazaqstanda óndirilgen. Júıe jan-jaqty testileýden ótken soń, Almaty qalasynyń joldarynda qoldanylýy múmkin.
Eske sala keteıi, búgin Almaty qalasy ákimi Baýyrjan Baıbekke №201 jańa magıstraldi baǵyt boıynsha jolǵa shyqqan syıymdylyǵy úlken nemese «garmoshka» dep atalatyn jańa avtobýstar tanystyryldy. Uzyndyǵy 18 metr, tómen edendi avtobýstar «Eýro-5» ekologııalyq talaptaryna saı keledi. Oǵan 150-den astam adam sııady. Avtobýs Tóle bı kóshesi boıymen ıAssaýı kóshesinen Shyǵys aınalma jolyna deıin barady.
