Almatyda avtobýs qaqqan áıeldiń eki aıaǵy birdeı kesildi
ALMATY. QazAqparat – Almatyda mıkroavtobýs qaqqan 61 jastaǵy áıeldiń eki aıaǵyn kesýge týra keldi, dep habarlaıdy QazAqparat tilshisi.
Qalalyq qoǵamdyq densaýlyq saqtaý basqarmasy áıeldiń jaǵdaıy týraly túsinik berdi.
«Áıel Shuǵyl medıtsınalyq kómek berý aýrýhanasyna jetkizildi. Dárigerler qajetti medıtsınalyq kómekti kórsetti. Qazir ol asa aýyr halde jansaqtaý bóliminde jatyr. Eki aıaǵyna ampýtatsııa jasaýǵa týra keldi. Travamtıkalyq shok alǵan. Sol jaq jaýyryny synyp ketken», - dedi qalalyq Qoǵamdyq densaýlyq saqtaý basqarmasynyń baspasóz qyzmetinen.
Qaıǵyly oqıǵa búgin tańǵy 7-de Almaly aýdanynda boldy.
«Ford Tranzıt» avtokóliginiń júrgizýshisi mas kúıinde Maqataev kóshesimen kele jatqanda Chaıkovskıı kóshesine jetpeı avtobýs aıaldamasyn soqqan. Aıaldamada turǵan 61 jastaǵy áıel aýyr jaraqat aldy.
Sonyń artynan shette turǵan «Toıota Kamrı» kóligin soqqannan soń aýdarylyp ketken.
«Bul derek boıynsha QR QK 345-babynyń 2-bólimimen qylmystyq is qozǵaldy. Tıisti saraptamalar taǵaıyndaldy. Júrgizýshi ýaqytsha oqshaýlaý ornyna qamaldy», - dedi PD baspasóz qyzmetinen.
