Almatyda avtobýs ishindegi jolaýshylar jaraqat aldy
ALMATY. QazAqparat - Almatyda №63 marshrýt avtobýsy ishindegi jolaýshylar jaraqat aldy, dep habarlaıdy QazAqparat tilshisi.
Oqıǵany kózimen kórgen kýágerlerdiń aıtýynsha, Seıfýllın kóshesimen soltústikke baǵyttalyp kele jatqan qoǵamdyq kóliktiń aldyndaǵy Mitsubishi Galant kóligi kenetten toqtaǵan.
Taksıst jolda qol kótergen jolaýshyny alyp ketpek bolǵan. Avtobýs ta onyń artynan tejegishti kúrt basýǵa májbúr boldy.
Saldarynan salonda tik turǵan jolaýshylar biriniń ústine biri qulaǵan. Túrli jaraqat alǵan 4 jolaýshy aýrýhanaǵa jetkizildi. Oqıǵanyń mán jaıyn polıtsııa anyqtaýda.
