Almatyda avtobýs ishinde áıelge pyshaq ala umtylǵan jigit vıdeoǵa túsip qaldy
Vıdeodan kórinip turǵandaı, qoǵamdyq kóliktegi birneshe adam ashýly jigitti toqtatýǵa tyrysty. Sebebi, onyń qolynda pyshaq boldy. Pyshaq ustaǵan jigit áıelden óziniń ury ekenin dáleldeýdi talap etip, avtobýsta shý shyǵardy.
«Biz avtobýsqa otyrdyq, kenetten bir áıel avtobýsqa júgirip kirdi. Onyń artynan pyshaqpen er adam júgirip kirdi. Áıel jigittiń onyń uıaly telefonyn urlaǵanyn aıtyp, aıǵaılaıdy. Er adam pyshaǵymen qorqyta bastady. Avtobýstyń ishi azan-qazan boldy. Avtobýsqa pyshaqpen kirgen bul jigitti qoǵamnan oqshaýlaý kerek», - dedi oqıǵa kýágeri.
Polıtsııa bul keleńsiz jaǵdaı boıynsha áli eshkim aryz bermegenin, biraq áleýmettik jelide jarııalanǵan bul oqıǵaǵa qatysy barlar izdestirilip jatqanyn habarlady.
«Barlyq aýdandar polıtsııa basqarmasynyń ortalyǵy bazasyn tekserdi, 102 pýltine eshqandaı sıgnal túsken joq. Alaıda, polıtsııa departamentinde ótken aptada, ıaǵnı, vıdeo alǵash ret áleýmettik jelilerde jarııalanǵan kezde, tekserý sharalary taǵaıyndaldy. Qalanyń krımınaldyq polıtsııasy shynymen ne bolǵany jáne vıdeodaǵy er adamnyń kim ekenin anyqtaý úshin oqıǵanyń barlyq hronologııasyn jasaýda», - dedi Almaty qalalyq polıtsııa departamentiniń resmı ókili Saltanat Ázirbek.
