Almatyda avtobýs edenin jaryp ótken qaqpaq jolaýshynyń aıaǵyn jaraqattady
ALMATY. QazAqparat - Almatyda avtobýstyń edenin tesip ketken aryq qaqpaǵy jolaýshy áıeldiń aıaǵyn jaraqattady. Bul týraly qalalyq Polıtsııa departamenti rastady.
Polıtsııanyń habarlaýynsha, bul oqıǵa búgin tańerteń № 65 baǵdarda bolǵan.
Halıýllın kóshesimen batysqa baǵyt alyp kele jatqan avtobýs aryq toryn basyp ótken. Sol sátte ol kóterilip ketip, avtobýs edenin jaryp shyqqan.
Oqys oqıǵadan kólikte bolǵan jolaýshynyń aıaǵy zaqymdandy.
Qazir kelinshek Almaty oblystyq kópsalaly aýrýhanasyna jetkizildi. Aıaǵy synǵan áıel travmatologııa bólimshesine jatqyzyldy.
Dárigerler onyń ahýaly týraly aqparat taratpaı otyr.
Al oqys oqıǵanyń sebebin anyqtaýmen qalalyq Polıtsııa departamenti aınalysyp jatyr.
