Almatyda avtobýs boıjetkendi qaǵyp óltirdi
ALMATY. QazAqparat - Almatyda jolaýshylar avtobýsy boıjetkendi qaǵyp ketti, dep habarlaıdy QazAqparat tilshisi.
Qaıǵyly oqıǵa Tóle bı men Ótegen batyr kósheleriniń qıylysynda bolǵan.
Kýágerlerdiń aıtýynsha, 126 baǵdardyń avtobýsy Tóle bı kóshesimen shyǵysqa qaraı shetki jolmen kele jatqan. Baǵdarshamnyń jasyl túsi jypylyqtaı bastaǵanda kelip toqtaǵan avtobýs jol shetinde turǵan 24 jastaǵy qyzdy oń jaq búıirimen ilip ketken.
Soqqydan qyz birshama jerge ushyp túsip, alǵan jaraqatynan sol jerde kóz jumdy.
Almaty polıtsııasy beınekameralardaǵy jazbalardy zerttep, jol apatyna kináli tulǵalardy anyqtaýǵa kiristi.
