Almatyda avtobýs ben teplovoz soqtyǵysty
ALMATY. QazAqparat – Almatyda jolaýshylar avtobýsy men teplovoz soqtyǵysty. Oqys oqıǵa búgin 09:30 shamasynda bolǵan, dep habarlaıdy QazAqparat tilshisi.
Jol apatynyń vıdeosy áleýmettik jelide paıda boldy.
Almaty qalalyq Polıtsııa departamenti baspasóz qyzmetiniń málimetinshe, apat búgin, 27 sáýirde saǵat 09: 30-da bolǵan.
«№ 74 baǵyttaǵy «Lıaz» markaly avtobýsynyń júrgizýshi Bekmahanov kóshesimen batys baǵytta kele jatyp temir jol ótkelinde teplovozben soqtyǵysqan. Jol-kólik oqıǵasy saldarynan eshkim zardap shekken joq»,- dedi Almaty qalasy DP tergeý basqarmasynyń bastyǵy Oljas Sháripov.
Atalǵan derekti Túrksib aýdandyq polıtsııa basqarmasy tekserip jatyr.
