Almatyda avtobýs basyp ketken boıjetken jansaqtaý bóliminde jatyr
ALMATY. QazAqparat – Almatyda avtobýs basyp ketken boıjetken jansaqtaý bóliminde jatyr. Onyń jaǵdaıyn dárigerler aýyr dep baǵalap otyr, dep habarlaıdy QazAqparat tilshisi.
Qalalyq qoǵamdyq densaýlyqty qorǵaý basqarmasynyń baspasóz qyzmeti habarlaǵandaı, boıjetken №7 aýrýhanaǵa jetkizilgen.
«Naýqas №7 klınıkalyq aýrýhanaǵa jetkizildi. Oń jaq bóksesi men jilinshiginiń eti jyrtylyp ketip aýyr jaraqat alǵan. Boıjetken jansaqtaý bólimine jatqyzyldy. Jaǵdaıy aýyr dep baǵalanyp otyr», - dedi baspasóz qyzmetinen.
Aıta ketý kerek, bul oqıǵa búgin bolǵan.
Tańǵy 8 shamasynda 45 marshrýt júrgizýshisi Ótegen batyr kóshesimen ońtústik baǵytqa buryla bergen kezinde jaıaý júrginshini basyp ketken bolatyn.
