Almatyda avtobýs bar jyldamdyǵymen kele jatyp, kóshe shamynyń baǵanasyna soǵyldy
ALMATY. QazAqparat - Almatyda 304-shi baǵyttyń jolaýshy avtobýsy bar jyldamdyǵymen kele jatyp, kóshe shamynyń baǵanasyna soǵyldy.
Oqıǵa saldarynan 10-ǵa jýyq adam zardap shekti, dep habarlaıdy Almaty qalalyq ІІD baspasóz qyzmetinen.
«Búgin kúndiz 12 saǵat 20 mınýtta 304-shi baǵyttyń avtobýsy Súıinbaı dańǵylymen soltústik baǵytta kele jatyp, kóshe shamynyń baǵanasyna baryp soǵyldy. Apat saldarynan avtobýstyń 10-ǵa jýyq jolaýshysy zardap shekti. Olar qalalyq aýrýhanalarǵa jetkizildi. Júrgizýshi zardap shekken joq. Aldyn ala derekter boıynsha, ol avtobýsty basqaryp kele jatyp uıyqtap ketken. Endi sot-medıtsınalyq saraptama júrgizilgen soń, onyń ákimshilik nemese qylmystyq jaýapqa tartylatyndyǵy belgili bolady. Eger de jolaýshylardyń hali ortasha jáne aýyr jaǵdaıda bolatyn bolsa, onda júrgizýshi sózsiz qylmystyq jaýapqa tartylady», - dedi Almaty qalalyq ІІD resmı ókili Saltanat Ázirbek.
