Almatyda avtobýs apatynan 58 jastaǵy áıel mert boldy
ALMATY. QazAqparat - Almatyda 27 aqpan kúni Seıfýllın dańǵyly men Maqataev kóshesiniń qıylysynda avtobýs qaǵyp ketken áıelderdiń biri qaıtys boldy, dep habarlaıdy QazAqparat tilshisi.
«Ótken senbi kúni jaıaý júrginshiler jolynda qoǵamdyq kólik qaǵyp ketken 1963 jyly týǵan áıel túnde qaıtys boldy» dep habarlady qoǵamdyq densaýlyq saqtaý basqarmasynyń baspasóz qyzmeti.
Eske sala keteıik, 27 aqpan kúni keshki saǵat 20:00 shamasynda Seıfýllın dańǵyly men Maqataev kóshesiniń qıylysynda «Mega Park» saýda oıyn-saýyq ortalyǵynyń janynda avtobýs pen birneshe jeńil kólik soqtyǵysqan bolatyn.
Jol-kólik apatynan bes adam zardap shekti.
Úsheýi jedel medıtsınalyq járdem aýrýhanasyna, bireýi ortalyq qalalyq klınıkalyq aýrýhanaǵa, taǵy bireýi kópsalaly klınıkalyq aýrýhanaǵa jetkizildi.
Olardyń jaǵdaıy ortasha aýyr dep baǵalanǵan.
Aldyn ala boljam boıynsha, avtobýs júrgizýshisi kenetten ózin nashar sezinip, sonyń saldarynan rólge ıe bola almaı qalǵan.
