Almatyda avtobýs apatyna júrgizýshi sebepker bolýy múmkin - polıtsııa
ALMATY. QazAqparat - Almaty polıtsııasy Saın men Raıymbek kósheleriniń qıylysynda bolǵan jol apatyna baılanysty túsinik berdi, dep habarlaıdy QazAqparat tilshisi.
Jol apaty 1 shildede tańǵy 06:15 shamasynda Raıymbek pen Saın kósheleriniń qıylysynda bolǵan edi.
Qalaaralyq avtobýs júrgizýshisi rýlge ıe bola almaı, kópirden qulap ketti.
«Avtobýs Túrkistan oblysynan kele jatqan. Abyroı bolǵanda, kólikte 3-aq adam: 2 júrgizýshi, 1 jolaýshy bolǵan.
Jol apatynan 33 jastaǵy júrgizýshilerdiń biri jaraqat aldy. Oǵan medıtsınalyq kómek kórsetilgen soń, aýrýhanaǵa jatýdan bas tartty. Avtobýstyń bagajy almaǵa tolyp turǵan. Jol apatynyń sebebi - júrgizýshi jolda uıyqtap ketýi múmkin. Bul nusqa jaqsylap tekseriletin bolady. Ekinshi nusqasy júrgizýshi jyldamdyqty asyryp jibergendikten bolýy yqtımal. Bul derek qazir Alataý aýdandyq PB ákimshilik tájirıbe bólimi qyzmetkerleri tekserip jatyr. Qajetti saraptama men zertteýler uıymdastyrylatyn bolady», - dedi qalalyq Polıtsııa departamentiniń resmı ókili Saltanat Ázirbek.
