Almatyda avtobýs apatyna qatysy bar júrgizýshini qamaýda ustaý merzimi uzardy
ALMATY. QazAqparat – Almatyda avtobýs apatyna qatysy bar júrgizýshini qamaýda ustaý merzimi kelesi aıǵa deıin uzartyldy, dep habarlaıdy QazAqparat tilshisi.
«Almaty qalasy Mamandandyrylǵan aýdanaralyq tergeý sotynyń habarlamasy boıynsha 4 qańtarda sottyń qaýlysymen sotqa deıingi tergeý organynyń ótinishi qanaǵattandyryldy, sondaı-aq, A. - ǵa qatysty qamaýda ustaý merzimin 3 aıǵa, ıaǵnı 9 aqpanǵa deıin uzartý sanktsııalandy», - dep habarlady Almaty qalalyq sotynyń baspasóz qyzmeti.
Eske salaıyq, ótken jyly 8 qarasha kúni Almatyda Tóle bı – Abylaı han kósheleriniń qıylysynda eki avtobýs soqtyǵysqan bolatyn.
Jol apaty saldarynan 1 adam kóz jumyp, 21 adam zardap shekken.
Sondaı-aq avtobýs apatyna qatysy bar júrgizýshi qamaýǵa alynǵan bolatyn.
