Almatyda avtobýs apaty: zardap shekkenderdiń ishinde júkti kelinshek bolǵan
ALMATY. QazAqparat - Almatyda avtobýs pen Mersedes kóliginiń soqtyǵysýynan 10 adam zardap shegip, medıtsınalyq kómekke júgingen, dep habarlaıdy QazAqparat tilshisi.
Qalalyq densaýlyq saqtaý basqarmasynyń baspasóz qyzmeti habarlaǵandaı, oqıǵa ornyna 6 jedel jərdem brıgadasy barǵan.
"Apat ornynda barlyǵy 10 adam dárigerlerdiń kómegine júgingen. Olardyń 3-eýi sol jerde úıine jiberildi. Al №7 qalalyq aýrýhanaǵa 4 adam jetkizildi. Dərigerler jaralanǵandardy tekserip shyǵyp, 3-eýin aýrýhanaǵa jatý qajettiligi joq bolǵandyqtan, ambýlatorııalyq em qabyldaýǵa úıine qaıtardy. Bir patsıent birneshe synyqtarmen jansaqtaý bólimine jatqyzyldy",- dedi baspasóz qyzmetinen.
Sonymen qatar, ortalyq aýrýhanaǵa eki adam túsken. Aýrýhana dərigerleri patsıentterdi tekserip, olardy ambýlatorııalyq em qabyldaýǵa úıine qaıtardy.
Odan bólek Perınatalogııa jəne balalar kardıohırýrgııasy ortalyǵyna jetkizilgen júkti kelinshek te aýrýhanaǵa jatýdan bas tartty
Aıta ketý kerek, oqys oqıǵa búgin Abaı Saın kóshesinde bolǵan edi. Nomer 38-avtobýs pen Mersedes kóliginiń soqtyǵysýynan 10 adam zardap shekken.
