Almatyda avtobýs apatqa ushyrady
ALMATY. QazAqparat - Almatyda avtobýs apatqa ushyrady, dep habarlaıdy QazAqparat tilshisi.
Manıpýlıator kóligi Arshaly kóshesimen soltústik baǵytta kele jatyp, burylyp, bir úıdiń tusynda toqtap turǵan. Sol kezde №125 avtobýs jyldamdyqpen kelip manıpýlıatordy soǵady. Onyń artynan Aýdı kóligi kelip soǵylady.
Jol apatynan avtobýs júrgizýshisi men jolaýshy áıel japa shekken.
Oqıǵa ornyna jetken jedel járdem kóligi jolaýshyny úıine jiberip, júrgizýshini aýrýhanaǵa alyp ketti.
