Almatyda avtobýs aǵashqa soǵylyp, 8 jolaýshy zardap shekti
ALMATY. QazAqparat - Almatyda Súıinbaı kóshesimen kele jatqan 416-shy baǵdardaǵy avtobýs apatqa ushyrap, 8 adam jaraqattandy, dep habarlaıdy QazAqparat tilshisi oqıǵa ornynan.
Almatyda Súıinbaı kóshesimen ońtústik baǵytpen kele jatqan 416-shy baǵdardaǵy avtobýs jol shetindegi aǵashqa soǵyldy.
Avtobýs júrgizýshisiniń aıtýynsha, belgisiz kólik onyń jolyn qıyp ketpek bolǵan. Osydan keıin, ol kólik róline ıe bola almaı, jol jıegindegi aǵashqa soǵylǵan. Jol apatynan 8 jolaýshy zardap shekken, onyń bireýi aýyr hálde. Avtobýsta barlyǵy 20 jolaýshy bolǵan.
