Almatyda avtobýs 22 jastaǵy boıjetkendi qaǵyp ketti
ALMATY. QazAqparat - Almatynyń ortalyǵynda jolaýshylar avtobýsy 22 jastaǵy boıjetkendi qaǵyp ketti. Qalalyq ІІD resmı ókili Saltanat Ázirbektiń aıtýynsha, jol-kólik oqıǵasy 12 qańtar kúni keshki ýaqytta bolǵan.
«Mýnıtsıpaldyq avtobýs Baıtursynov kóshesimen soltústik baǵytta kele jatyp, jol qıylysynda Abaı dańǵyly boıymen shyǵys baǵytqa qaraı buryla bastaıdy. Baǵdarshamnyń jasyl shamy janǵan soń, joldan ótip bara jatqan er azamat pen boıjetken jaqyndap kele jatqan avtobýsty kórip tezirek ótip ketýge áreket jasaıdy. Er azamat úlgergenimen qyzdy avtobýs qaǵyp ketti. 1994 jyly týǵan boıjetken aýrýhanaǵa jetkizildi. Abyroı bolǵanda, ol aýyr dene jaraqatyn alǵan joq. Júrgizýshiniń aıtýynsha, ol júrginshilerdi baıqamaı qalypty», - dedi Saltanat Ázirbek.
Qazir bul is Bostandyq aýdanynyń ІІB óndirisinde qaralap jatyr. Oqıǵanyń sebepteri anyqtalý ústinde.
