Almatyda Avıatsııalyq qaýipsizdik jónindegi úılestirý tobynyń birinshi otyrysy ótip jatyr
Avıatsııalyq qaýipsizdik jónindegi úılestirý toby – qatysýshy memleketterge IKAO-nyń avıatsııalyq qaýipsizdik jónindegi jahandyq josparynyń negizgi basymdyqtaryna qol jetkizýge jáne IKAO standarttary men usynylatyn praktıkasyn sapaly engizýge, ózara aqparat almasý jáne bir-birine qoldaý kórsetý arqyly avıatsııalyq qaýipsizdiktiń joǵary deńgeıine qol jetkizýge qoldaý kórsetýdiń tıimdi tetigi máseleleri jónindegi keńesshi organ.
27-28 sáýirdegi otyrysqa Ázerbaıjan, Grýzııa, Qyrǵyzstan, Qazaqstan, Ózbekstan jáne Tájikstannyń avıatsııalyq bılik ókilderi qatysyp jatyr. Onda úılestirý tobyna múshe memleketterdiń ortaq artyqshylyqtaryna qol jetkizýge baǵyttalǵan áleýetti arttyrý, biryńǵaı saıasatty (jospardy) ázirleý, onyń ishinde Ortalyq Azııa óńiri men Kavkazda IKAO standarttary men usynylatyn praktıkasyn tıimdi jáne ýaqtyly engizý, avıatsııalyq qaýipsizdik jónindegi úılestirý tobynyń tóraǵasyn, teń tóraǵasyn jáne hatshysyn saılaý máseleleri qaraldy. Sondaı-aq, avıatsııalyq qaýipsizdik jónindegi úılestirý tobynyń erejesi bekitiledi.
Bul is-shara – Ortalyq Azııa óńiri men Kavkaz elderiniń Qazaqstannyń bastamasymen jańa qaýip-qaterlerge baǵyttalǵan ekinshi kezdesýi. Avıatsııalyq qaýipsizdik boıynsha júrgizilip jatqan jumystar AQSh-qa tikeleı reısterdiń ashylýyna da yqpal etedi.
Úılestirý toby IKAO avıatsııalyq qaýipsizdigin qamtamasyz etýdiń jahandyq jospary aıasynda azamattyq avıatsııany zańsyz aralasý aktilerinen qorǵaý júıesin jaqsartý baǵytynda qatysýshy elderdiń avıatsııalyq ákimshilikteri arasyndaǵy jaqsy qarym-qatynas pen yntymaqtastyqty damytýǵa yqpal etetin taǵy bir qadam bolady.
Aıta ketsek, avıatsııalyq qaýipsizdik jónindegi úılestirý tobynyń tóraǵasy bolyp QR IIDM Azamattyq avıatsııa komıtetiniń tóraǵasy Talǵat Lastaev saılandy.
