Almatyda aýyr júk kóligi órtke orandy
ALMATY. QazAqparat - Almatyda jolda kele jatyp, aýyr júk kóligi órtke orandy. Bul týraly QR ІІM Tótenshe jaǵdaılar jónindegi komıtetiniń resmı ókili Rýslan Imanqulov habarlady.
«Oqıǵa búgin kúndizgi saǵat 13:00-de Almaty qalasynyń Jetisý aýdanynda, Qapshaǵaı kópiri mańynda oryn aldy. Órt MAN aýyr júk kóliginiń motorynan shyqqan. Órttiń aýmaǵy 0,7 sharshy metrdi qurady. Zardap shekkender joq. Órtti Almaty qalalyq TJD Apattyq-qutqarý qyzmetiniń órt sóndirýshileri sóndirdi. Barlyǵy tilsiz jaýdy joıýǵa jeke quramnan 9 adam men 2 tehnıka jumyldyryldy», - dedi R. Imanqulov.
