Almatyda aýyr jáne asa aýyr qylmys jasaǵandary úshin memleketaralyq izdeýde júrgen 29 shetel azamaty ustaldy
ASTANA. Maýsymnyń 18-i. QazAqparat - Almatyda memleketaralyq izdeýde júrgen 29 shetel azamaty ustaldy. Bul týraly QR Bas prokýratýrasynyń baspasóz qyzmetinen málim etti.
Aǵymdaǵy jylǵy maýsymnyń 9-y men 11-i aralyǵynda QR Іshki ister organdary men Ulttyq qaýipsizdik komıtetiniń birlesip ótkizgen jedel-izdestirý sharalarynyń nátıjesinde, 29 shetel azamaty quryqtaldy. Ustalǵandardyń deni Ózbekstan Respýblıkasynyń azamattary. Olarǵa Ózbekstan aýmaǵynda jasaǵan aýyr jáne asa aýyr qylmystary úshin memleketaralyq izdeý jarııalanǵan.
Ózbekstannyń qylmystyq qýdalaý organdary olarǵa lańkestik, kisi óltirý, dinı ekstremıstik, fýndamentaldyq separatıstik jáne basqa da tyıym salynǵan uıymdardy, qylmystyq qoǵamdastyqtardy quryp, oǵan qatysty degen aıyptar taǵyp otyr.
Almaty qalasynyń prokýratýra organdary halyqaralyq Konventsııalarǵa jáne Qazaqstan Respýblıkasynyń zańdaryna sáıkes tıisti sharalar qoldanyp, sheteldik azamattar qamaýǵa alyndy.
