Almatyda aýyr tehnıkanyń astynda qalǵan qurylysshy mert boldy
ALMATY. QazAqparat - Almatyda betonaralastyrǵysh tehnıka qurylysshyny basyp qaldy, dep habarlaıdy QazAqparat tilshisi.
Kýágerlerdiń aıtýynsha, oqıǵa Abaı men Brýsılovskıı kóshesiniń qıylysyndaǵy salynyp jatqan qurylys nysanynda bolǵan. Krannyń arqany úzilip ketip, aýyr betonaralastyrǵysh tehnıka jumysshylardyń ústine qulap ketken.
Sonyń saldarynan bir qurylysshy jigit jan tapsyrdy.
Qalalyq qoǵamdyq densaýlyqty saqtaý basqarmasynyń baspasóz qyzmeti habarlaǵandaı, jigit jedel járdem kelgenshe kóz jumǵan. Marqumnyń denesin aýyr tehnıka janshyp tastaǵan.
