Almatyda aýylsharýashylyǵy jármeńkesi ótip jatyr
ALMATY. Shildeniń 31-i. QazAqparat /Erbol Azanbek/ - Búgin Almatydaǵy N.Sats atyndaǵy memlekettik akademııalyq balalar men jasóspirimder teatry janynda aýylsharýashylyǵy jármeńkesi ashyldy, dep habarlaıdy QazAqparat.
Jármeńkege Almaty oblysy, Jambyl aýdanynyń sharýa qojalyqtarynyń ónimderi qoıylǵan. Ónimderdiń baǵasy naryq baǵasynan 15-20 paıyzǵa arzan. Bunda et, sút, kókónis, jemis-jıdekterdi satyp alýǵa bolady.
Esterińizge sala keteıik maýsymnyń 26-synan bastap Almatyda jármeńke maýsymy dep jarııalanǵan. Azyq-túlik taýarlarynyń saýda núkteleri qalanyń barlyq aýdandarynda jumys istep jatyr.
