Almatyda aýyl sharýashylyq ónimderi jármeńkesi endi kún saıyn ótpek
ALMATY. 24 maýsym. QazAqparat /Erlik Erjanuly/ - Almatydaǵy tamaq ónimderiniń baǵasy Almaty, Jambyl jáne Ońtústik Qazaqstan oblystarynan 15-20 paıyzǵa arzan.
Ony qala ákimi Ahmetjan Esimov búgin "Almaty" áleýmettik-kásipkerlik korporatsııasy UK" AQ-y uıymdastyrǵan aýyl sharýashylyq ónimderi jármeńkesinde aıtty. Buǵan olar tamaq ónimderin satatyn pavılondardyń saýda jelisin qurý arqyly qol jetkizip otyr. Qazirgi tańda qalada josparlanǵan 30 saýda oryndarynyń 9-y jumys jasaýda. Turaqty túrde kún saıyn jumys jasaıtyn mundaı aýylsharýashylyǵy ónimderi jármeńkesinde tamaq ónimderi qaladaǵy naryqtyq ortasha baǵadan 10-20 paıyzǵa tómen.
Buǵan deıin ol demalys kúnderi ǵana uıymdastyrylyp kelgen edi. Osy aptadan bastap bul shara dúısenbiden basqa kúnderi turaqty túrde ótkizilýde. "Almaty" áleýmettik kásipkerlik korporatsııasy aımaqtyq turaqtandyrý qoryn qurý úshin 30 myń tonnaǵa jýyq túrli jemis-jıdek ónimderin jetkizýge kelisimshart jasaǵan bolatyn. Al jyl basynda qalalyq máslıhat korporatsııaǵa 1,3 mıllıard teńge kóleminde qarjy bólgen. Ol jemis-jıdek ónimderiniń baǵasyn ustap turýǵa mindettelip otyr.
