Almatyda aýyl sharýashylyǵy jármeńkesi ótip jatyr
ALMATY. 20 sáýir. QazAqparat - Almaty oblysynyń óndirisshileri qala bazarlarynan 15-20 paıyz tómen baǵamen Almatydaǵy «Astana» alańynda aýyl sharýashylyǵy ónimderiniń jármeńkesin ótkizip jatyr.
Oǵan oblystaǵy 16 aýdan men 3 qaladan 82,3 mln. teńgeniń 400 tonnaǵa jýyq 40-tan astam aýyl sharýashylyǵy ónimderi qoıylǵan. Onyń 70 tonnasy - kókónis, 60 tonnasy - kartop, 50 tonnaǵa jýyǵy - et, al 10 tonnadaıy - balyq ónimderi.
«Óndirilgen aýyl sharýashylyǵy ónimderin tómen baǵada, aradaǵy deldalsyz tutynýshyǵa jetkizý maqsatynda 2012 jyly Almatyda 253 aýyl sharýashylyǵy jármeńkesi uıymdastyryldy. Onda qala turǵyndaryna 700 mln. teńgeniń azyq-túligi saýdalandy. Munda jyl boıy Eńbekshiqazaq, Jambyl, Іle, Qarasaı jáne Talǵar aýdandarynyń taýar óndirýshileri apta saıyn óz ónimderin usynyp otyrady», - deıdi Almaty oblysy ákiminiń orynbasary Tynyshbaı Dosymbekov.
