Almatyda aýyl sharýashylyǵy taýar óndirýshileriniń jármeńkesi ótedi
ALMATY. QazAqparat – Almatyda 10-11 qazan kúni Almaty oblysynda aýyl sharýashylyǵy taýarlarynyń jármeńkesi ótedi. Onda 400 tonnadan astam aýyl sharýashylyǵy ónimderi saýdalanady, dep habarlaıdy QazAqparat tilshisi.
«Jańa maýsymdy ashýǵa Taldyqorǵan, Qapshaǵaı, Tekeli qalalary jáne Almaty oblysynyń 17 aýdanynyń aýylsharýashylyq ónimderin óndirýshileri keledi, sonymen qatar, jármeńkege «Jetisý» ÁKK «UK» AQ da qatysady»,– dep habarlady Almaty qalasynyń ákimdigi.
Jármeńke qalanyń eki aýdanynda tańǵy saǵat 8:00-den keshki saǵat 17:00-ge deıin ótedi:
– «Astana» alańynda (Abylaı han dańǵylynan N.Nazarbaev dańǵylyna deıin);
– «Alataý» kontsert zaly aýmaǵynda (Nurkent yqshamaýdany, 6);
Almaty turǵyndary men qala qonaqtaryna jalpy kólemi 400 tonnadan asatyn 50-den astam ónim túrleri usynylady.
«Et, jemis-jıdek, kókónis, sút, balyq ónimderiniń baǵasy naryqtaǵy ortasha deńgeıden 10-15%-ǵa tómen bolady. Jármeńke azamattardy qoljetimdi baǵa boıynsha sapaly aýyl sharýashylyǵy ónimdermen qamtamasyz etý maqsatynda ótkiziledi»,– dep atap ótti ákimdik qyzmetkerleri.
Azyq-túlik jármeńkesi ótetin nysandarda sanıtarlyq-epıdemıologııalyq normalardy, onyń ishinde maska rejımin, qol gıgıenasyn (qolǵaptar, antıseptıkter) jáne áleýmettik qashyqtyqty berik ustaný qatań talap etiledi.
