Almatyda aýyl sharýashylyǵy ónimderiniń jármeńkesi ótip jatyr
Aıta keteıik, qalyń kópshilik úshin azyq-túlik taýarlaryn arzan baǵamen saýdalaý úshin ótkiziletin jármeńke 2019 jyly Almatynyń 4 jerinde uıymdastyrylyp keldi. Bıyldan bastap qalada taǵy jańa 6 saýda núktesi ashyldy.
Búgingi jármeńkelerde áleýmettik mańyzy bar azyq-túlik ónimderiniń 19 túri usynylǵan. Olar: sıyr eti - 1900 teńge, taýyq eti - 810 teńge, qartop - 104 teńge, sábiz, qyryqqabat - 94 teńgege satylýda. Jumyrtqa 10 danasy - 300 teńge, ósimdik maıyn - 400 teńgege satyp alýǵa bolady.
Jármeńkeler myna mekenjaılarda ornalasqan:
Gogol - Masanchı (Almaly aýdany).
Abaı - Ótegen batyr (Áýezov aýdany).
Qazaqfılm yqshamaýdany, Jarokov kóshesi, ál-Farabı dańǵylynan joǵary (Bostandyq aýdany).
Qulager yqshamaýdany, Serikov kóshesi (Jetisý aýdany).
Nurkent-5 yqshamaýdany, «Atletter aýyly», ortalyq alleıada (Alataý aýdany).
Qalqaman yqshamaýdany, Áýezov kóshesi, 1-shi qalalyq klınıkalyq aýrýhananyń krie berisine qarsy (Naýryzbaı aýdany).
Saıyn - Shalıapın (Áýezov aýdany).
Juldyz yqshamaýdany (Túrksib aýdany).
Meńdiqulov - Bekturov (Medeý aýdany).
Saıaly, 28-shi úıdiń jany (Alataý aýdany).
Jármeńkelerden óńirdegi fermerlik sharýashylyqtardyń jergilikti ónimderin alýǵa bolady. Jármeńke baǵasyn áleýmettik baǵa boıynsha taýarlarmen qamtamasyz etetin iri qara mal ósirýmen aınalysatyn sharýa qojalyqtarynyń, qosalqy sharýashylyqtardyń ókilderi jáne Turaqtandyrý qory atynan memleket qoıady.
«Almaty» ÁKK saýda oryndaryn jeńildikpen jalǵa berip, aýyl sharýashylyǵy ónimderin jetkizýshilermen tikeleı jumys isteıdi. Jalǵa berýdiń saralanǵan baǵasy bir orynǵa 16 700 teńge.
Qala ákimdigi men «Almaty» ÁKK ókilderi demalys kúnderdegi jármeńkelerdi turaqty aralap, áleýmettik mańyzy bar azyq-túlik ónimderiniń baǵasyn jiti baqylaıdy jáne olardyń ósýine jol bermeıdi.
