Almatyda aýyl fýtbolyn damytýǵa arnalǵan semınar ótedi
NUR-SULTAN. QazAqparat - 2021 jyldyń 5-7 aqpanynda «Arman Aýyl» qory «Aýyl fýtbolynda alǵashqy fýtbol Weekend-in ótkizedi, dep habarlaıdy QazAqparat tilshisi.
Balalar fýtbolyn damytý boıynsha tájirıbelik semınarǵa Aqtóbe, Aqmola, Túrkistan, Qostanaı, Shyǵys Qazaqstan, Mańǵystaý, Qyzylorda oblystarynan ókilder keledi.
Shara aıasynda aýyldaǵy jattyqtyrýshylarǵa arnalǵan tájirıbelik semınarlar, balalar fýtbolynan týrnır, balalar akademııasyna jáne «Qaırat» FK oqý-jattyǵý bazasyna ekskýrsııa, tanymal fýtbolshylarmen kezdesý ótikiziledi.
Sharanyń maqsaty – AýylFýtbol lıgasynyń tusaýyn kesý, AýylFýtbol lıgasynyń uıymdastyrýshylyq formaty men tehnıkalyq quraldaryn aprobatsııalaý, aýyldaǵy balalar jattyqtyrýshylaryn oqytý, salaýatty ómir saltyn nasıhattaý jáne jastardy patrıottyqqa tárbıeleý.
«Arman Aýyl» qorynyń «Aýyl-fýtbol» jobasy aýylda balalar fýtbolyn damytýǵa baǵyttalǵan. Jobanyń negizgi mindetteri – fýtbol alańdaryn salýǵa demeýshilerdi tarta otyryp, aýyldyq balalar klýbtaryna jan-jaqty kómek kórsetý, fýtbol jabdyqtarymen, sporttyq formalarmen qamtamasyz etý jáne jattyqtyrýshylar men klýb jetekshilerine arnalǵan semınar-trenıngter ótkizý.
