Almatyda aýtızmge shaldyqqan balalarǵa arnalǵan shara ótti
Sporttyq jarys, «Meıirimdilik» Erikti qoǵamy» qorynyń uıymdastyrýmen «Aýtızmdi jeńemiz!» jobasy aıasynda ótti.
«Aýtıstızmge shaldyqqan balalar men olardyń ata-analaryna jeńis pen jańa ómirlik maqsat-murattarmen qatar joba aıasynda oqý jylyn tabysty aıaqtaýdy tileımin. Biz úshin «Aýtızmdi jeńemiz!» jobasy - balalarǵa osy dertpen kúresýge kúsh- qýat beredi»,- dedi QR Bala quqyqtary jónindegi ýákili Arýjan Saın.
Shara barysynda, kınologııa ortalyǵynyń qyzmetkerleri balalarǵa kún saıyn el shekarasyn qorǵaýǵa kómektesip júrgen janýarlardyń qabilet-qarymdaryn kórsetti. Balalar, ásirese, labrador tuqymdas óte meıirimdi ıtterdi kórip, máz-meıram bolyp qaldy.
Óz kezeginde joba aıasynda tárbıelenip jatqan jetkinshekter merekege kelgen qonaqtar men ata-analaryna ózderiniń sporttaǵy jetistikterin kórsetti. Ásirese, olar estafeta kezinde ózderiniń komandylyq rýhtary men erik-jigerlerin kórsete bilse, «Ańsaý» fýtbol komandasy dopty kásibı deńgeıde meńgere altyndyqtaryn dáleldedi.
Bul merekege balalar men olardyń ustazdary bir aıdan astam ýaqyt daıyndaldy. «Aýtızmdi jeńemiz!» jobasy qyzmetkerleriniń kúndelikti júrgizip otyrǵan jumystary óz nátıjıesin berdi. Balalar qorshaǵan ortaǵa beıimdele bastaǵan.
«Meniń ulym únemi únsiz bolatyn jáne aınalasynda bolyp jatqan jaǵdaılarǵa anda-sanda ǵana nazar aýdaratyn. Al qazir ol óziniń bizge, ata-anasyna degen mahabbatyn sezdire alatyn múmkindikke jetti. Ómirge qyzyǵýshylyqpen qaraı bastady. Bul osy salada júrgen qyzmetkerlderdiń eńbegi, jemisi », - dedi jobaǵa qatysýshy balalardyń biriniń anasy.
Sharaǵa 35 bala qatysty. Bul joba aýtısterge kómektesý barysynda ata-analar men mamandardy biriktirýdiń úlgisine aınaldy.
