Almatyda aýrýhanadan órt shyqty: 100-den astam adam qaýipsiz jerge kóshirildi
ALMATY.QazAqparat - Almatyda №12 qalalyq klınıkalyq aýrýhanasyda órt shyqty. 102 adam qaýipsiz jerge kóshirildi, dep habarlaıdy QazAqparat tilshisi.
27 qyrkúıek kúni saǵat 16:15-te qalalyq Tótenshe jaǵdaılar departamentiniń «101» pýltine órt týraly habar túsken.
«Bostandyq aýdany Jandosov kóshesindegi 6 meken-jaıynda ornalasqan klınıkalyq aýrýhana tútin shyqqany týraly habarlandy. Alǵashqy órt sóndirý tehnıkasy oqıǵa ornyna 13 mınýttan soń 16.28-de jetti.
Kompıýterlik tomografııa kabınetine qýat beretin ǵımaratta akkýmlıator batareıalary órtengeni anyqtaldy. Órt saǵat 16.37-de aýyzdyqtalyp, 16.49-da tolyqtaı óshirildi. Jalyn 1.5 sharshy metrdi sharpyǵan. Aýrýhanada 102 adam qaýipsiz jerge kóshirilgen. Oqys oqıǵadan eshkim zardap shekpegen», - dedi Almaty qalalyq TJD resmı ókili Sandýǵash Baımuhambetova.
