Almatyda aýlalardy abattandyrýǵa qoıylatyn talaptar qaıta qaralady

ALMATY. QazAqparat – Almatyda aýla aýmaqtaryn abattandyrýǵa qoıylatyn talaptar qaıta qaralady. Bul týraly shahar basshysy Erbolat Dosaev aıtty, dep habarlaıdy QazAqparat tilshisi.

Qala nysandaryn aralaý barysynda Erbolat Dosaev aýla aýmaqtaryn kútip ustaý jáne olarǵa qyzmet kórsetý máselesine nazar aýdardy. Tıisti kútimniń bolmaýyna baılanysty balalar men sport alańdarynyń paıdalaný merzimi qysqa. Sonymen qatar, ol oıyn aımaqtary jabyndylarynyń sapasyna nazar aýdardy: 2021 jyly paıdalanýǵa berilgen nysandardyń jaǵdaıy kóńil kónshitpeıdi.

Erbolat Dosaev beıindi basqarmalar men aýdan ákimderine balalar oıyn jáne sport aımaqtaryn salý kezinde olardyń uzaq jyl boıy paıdalanylýyna basa nazar aýdarýdy jáne sapa standarttaryn ázirleýdi júktedi. Buǵan qosa, qala basshysy aýdan ákimdikterine aýlalardy ǵana emes, jaqyn mańdaǵy aýmaqtardy da abattandyrýǵa qosymsha qarajat bólýdi tapsyrdy.