Almatyda aýlada samokat teýip júrgen 3 jasar balany kólik qaǵyp ketti
ALMATY. QazAqparat – Aýlada samokat teýip júrgen 3 jasar bala kóliktiń astyna túsip ketip, mert boldy, dep habarlaıdy QazAqparat tilshisi.
Qalalyq PD habarlaýynsha, qaıǵyly oqıǵa búgin 28 sáýir kúni tústen keıin Orbıta-3 yqshamaýdanynda bolǵan.
«Subaru» kóliginiń 23 jastaǵy júrgizýshisi aýla ishindegi jolda solǵa burylyp, samokat teýip júrgen 2017 jyly týǵan balany qaǵyp ketti. Ókinishke oraı, bala alǵan jaraqattarynan oqıǵa ornynda kóz jumdy», - dep habarlady polıtsııadan.
Bul fakt sotqa deıingi tergeýdiń biryńǵaı tiziliminde Q RQK 345-baby 3-bóligi boıynsha tirkeldi. Qylmystyq isti Almaty qalalyq ІІD tergeý basqarmasy qarap jatyr.
