Almatyda aýla komandalarynyń fýtbol lıgasy altynshy ret ótkizilmek
ALMATY. QazAqparat - «Sporttyq Almaty» jobasy aıasynda balalar men jasóspirimder arasyndaǵy tanymal fýtbol lıgasy 21 mamyrda ótetin boldy, dep habarlaıdy QazAqparat tilshisi qalalyq Dene shynyqtyrý jáne sport basqarmasyna silteme jasap.
Osymen 6-shy ret ókizilgeli otyrǵan aýla komandalary arasyndaǵy fýtbol lıgasy bul joly «Avıator» alańynda ótedi.
Fýtbol oıyndary aqysyz, olımpıada júıesine sáıkes uıymdastyrylady. Jarystarǵa segiz jastan joǵary barlyq fýtbol áýesqoılary qatysa alady. Olar kishi jáne úlken eki jas sanatyna bólinedi. Birinshisi «A» lıgasy 8 jastan 14 jasqa deıin, al ekinshisi, «B» lıgasy 15 jastan joǵary. Reglamentke sáıkes, ár komandada 8 oıynshydan artyq bolmaýy kerek.
Eske salsaq, aldyńǵy fýtbol jarystaryna 5000-nan asa adam qatysqan.
Jeńimpazdar men júldegerler dıplomdar men medaldarmen marapattaldy. Sondaı-aq, «Eń úzdik qaqpashy», «Eń úzdik qorǵaýshy», «Eń úzdik shabýylshy» nomınatsııalary boıynsha úzdik oıynshylar anyqtalady.
