Almatyda aýqymdy seısmojattyǵý ótedi
ALMATY. QazAqparat - Búgin Almatyda saǵat 12:00-de jalpyqalalyq seısmojattyǵý ótedi. Qalalyq Tótenshe jaǵdaılar departamentinde «Barlyǵyńyz nazar aýdaryńyzdar!» dabyly soǵylǵanda adamdar ne isteýi kerektigin túsindirdi.
«Bul kúni adamdar ne isteýi kerek: qala turǵyndary men qala qonaqtary aldyn ala eń kerekti zattar salynǵan sómkeni alyp shyǵýy kerek, páterdegi sý, gaz, toq berilý qurylǵysyn sóndirýi jáne abdyrap qalmaı otbasy múshelerin ashyq, qaýipsiz jerge shyǵarýy qajet. Eger kórshińiz múgedek, qart, kómekke zárý adam bolsa olarǵa kómektesý jaǵyn da oılaǵan durys. Kóshede qaýipsiz jerge (park, stadıon, ashyq alańqaı) nemese jer silkinisi kezinde jınalatyn orynǵa shyǵý shart», - dep túsindirdi vedomstvoda.
Bul seısmojattyǵýǵa qaladaǵy azamattyq qorǵanys jáne tótenshe jaǵdaılardyń barlyq qyzmeti, uıymdar mekemeler, medıtsınalyq ortalyqtar, ózge de uıymdar men qala turǵyndary jumyldyrylmaq.
Atalǵan sharanyń maqsaty Azamattyq qorǵanys salasyndaǵy memlekettik basqarmalar men organdardyń daıyndyǵyn pysyqtaý.
Tájirıbelik oqý-jattyǵý Seıfýllın dańǵyly 26-shy ǵımarattaǵy «Alash» stadıonynda ótedi.
TJD shara barysynda qala turǵyndaryn sabyr saqtaýǵa shaqyrdy.
