Almatyda aýqymdy dezınfektsııalaý jumystary jalǵasýda
ALMATY. QazAqparat – Almatyda 21 maýsymda tańǵy 08:00-de adamdar kóp jınalatyn qoǵamdyq oryndardy dezınfektsııalaýdyń ekinshi kúni bastaldy, dep habarlaıdy QazAqparat tilshisi.
Dezınfektsııalyq sharalar keshki 18:00-ge deıin jalǵasady.
Alataý aýdanynda - 8 bazar, 11 saýda ortalyǵy, 5 fıtnes ortalyq, 4 skver;
Almaly aýdanynda - 6 bazar, 22 saýda ortalyǵy, 27 fıtnes ortalyǵy, 4 stadıon, 1 saıabaq , 22 skver, 10 júrginshiler jolaǵy, 2 jaǵajaı, 11 jolasty jáne 1 jolústi ótkeli, 6 balalar jáne sport alańy;
Áýezov aýdanynda - 4 bazar, 32 saýda ortalyǵy, 32 fıtnes ortalyq, 1 saıabaq, 11 skver, 1 jaǵajaı jáne 1 jaıaý júrginshiler jolaǵy;
Bostandyq aýdanynda - 14 saýda ortalyǵy, 7 sýpermarket, 50 fıtnes ortalyǵy, 3 saıabaq, 1 skver, 2 jaǵajaı;
Jetisý aýdanynda - 16 bazar, 9 saýda ortalyǵy, 6 sýpermarket, 15 fıtnes ortalyq, 1 saıabaq;
Medeý aýdanynda - 2 bazar, 19 saýda ortalyǵy, 31 fıtnes ortalyq, 2 saıabaq, 16 skver, 7 býlvar;
Naýryzbaı aýdanynda - 2 bazar, 2 saýda ortalyǵy, 3 fıtnes ortalyq, 1 saıabaq, 1 skver, 3 balalar jáne sport alańy, 2 kógal;
Túrksib aýdanynda - 6 bazar, 7 saýda ortalyǵy, 10 fıtnes ortalyq, 3 saıabaq, 11 skver, 1 jaǵajaı dezınfektsııalandy.
Eske sala keteıik, Almatyda karantındik sharalardyń kúsheıtilýine jáne saýda ortalyqtarynyń bazarlardyń, saıabaqtar men skverlerdiń, adamdar kóp jınalatyn oryndardyń jabylýyna baılanysty 20-21 maýsymda koronavırýs ınfektsııasynyń taralýyna jol bermeý maqsatynda aýqymdy dezınfektsııalaý jumystary josparlanǵan.
Keshe barlyǵy 469 nysan dezınfektsııalandy, oǵan 75 tehnıka men 194 dezınfektor jumyldyryldy.
