Almatyda Aýǵanstanǵa qoldaý kórsetetin óńirlik ortalyq ashylady
Bul týraly QR Syrtqy ister vıtse-mınıstri Qanat Týmysh elordada ótip jatqan Qazaqstan men Aýǵanstan bıznes-forýmynda aıtty.
«Prezıdentimiz Qasym-Jomart Toqaev BUU agenttikterin óńirlik deńgeıde úılestirýdi jaqsartý maqsatynda Ortalyq Azııa men Aýǵanstan úshin turaqty damý maqsattary boıynsha BUU óńirlik ortalyǵyn Almatyda qurý týraly bastama kótergen bolatyn. Atalǵan ıdeıa Ortalyq Azııanyń barlyq memleketteri men aýǵan tarapynan qoldaý tapty. Bul bastama halyqaralyq uıymdar men Ortalyq Azııa jáne Aýǵanstan úkimetteri arasyndaǵy yntymaqtastyq tıimdiligin arttyrýǵa úlesin qosady degen pikirdemiz», - dedi vıtse-mınıstr.
Eske sala ketsek, 8 maýsym kúni Astana halyqaralyq forýmynda Memleket basshysy Qasym-Jomart Toqaev BUU qamqorlyǵymen aýǵan halqyna jan-jaqty kómek kórsetýdi odan ári arttyrý qajettigin usynǵan edi.
