Almatyda «Aýǵanstan jan jarasy: 25 jyl ótken soń» kórmesi ótedi
Barshaǵa belgili, keńes áskerleri 1979 jylǵy 25 jeltoqsannan 1989 jylǵy 15 aqpanǵa deıin - toǵyz jyl, 1 aı jáne 19 kún aýǵan jerinde boldy. Aýǵanstanda barlyǵy 620 myń KSRO áskerı qyzmetshileri boldy, olardyń arasynda - 22 269 qazaqstandyq bar edi. Áskerı urystarda jáne alǵan jaraqattarynan jáne aýrýlardan 15526 adam, sonyń ishinde - 924 qazaqstandyq qaza boldy. 333 adam habar-osharsyz ketti nemese tutqynǵa tústi, olardyń ishinde - 21 qazaqstandyq boldy. Erligi men batyldyǵy úshin 86 qazaqstandyq jaýynger Keńes Odaǵynyń Batyry atandy.
Aýǵanstandaǵy soǵys Keńes Odaǵyna dańq ta, abyroı da ákelmedi. Qaza bolǵandardyń týystary men jaqyndary úshin soǵys áskerlerdiń shyǵarylýymen aıaqtalǵan joq. Tutqynǵa túsken kóptegen sarbazdardyń taǵdyry áli kúnge deıin belgisiz. Bul oqıǵalardyń tájirıbesi árbir el men halyq ózderiniń ishki máselelerin óz adamdarynyń paıdasy men ıgiligi úshin ózderi sheshýi qajettigin uqtyrdy.
Kórme maqsaty - aýǵan soǵysy jaıly shynaıy kózqarasty qalyptastyrý, jastardyń jańa urpaǵyna Aýǵanstanda soǵysqan sarbazdar men ofıtserlerdiń úlgisinde patrıottyq tárbıe berý, soǵys saıası problemalardy sheshýdiń tásili emes ekenin qoǵamǵa kórsetý bolmaq.
Ekspozıtsııa negizin qujattyq materıaldar (fotosýretter, hattar, kýágerlerdiń jáne oqıǵaǵa qatysýshylardyń derekteri), Aýǵanstanda soǵysqan, sondaı-aq urys dalasynda qaza bolǵan jáne tiri qalǵan qazaqstandyq sarbazdar men ofıtserlerdiń marapattary men jeke zattary quraıdy.
Kórmeni Almaty qalasy ákimdigi janyndaǵy jergilikti áskerı janjaldar men Aýǵanstandaǵy soǵys ardagerleri jáne múgedekteriniń qoǵamdyq birlestikteri qalalyq úılestirý keńesiniń qatysýymen murajaı ázirledi.
