Almatyda Aýǵan máselesi boıynsha Qazaqstan men AQSh arasynda beınekonferentsııa bolady

ALMATY. 24 aqpan. QazAqparat - Almatyda 25 aqpan kúni «Aýǵanstan 2014 jyldan keıin: AQSh áskerleriniń aımaqtan shyqqannan keıingi taǵdyry» degen taqyrypta beınekonferentsııa ótedi.

Ony ál-Farabı atyndaǵy Qazaq ulttyq ýnıversıtetiniń halyqaralyq qatynastar fakýlteti, Ortalyq Azııadaǵy Karnegı jobasymen birlesip uıymdastyryp otyr. Beınekonferentsııada Aýǵanstanǵa kórshi jatqan memleketterdiń saıasaty: Pákistan, Úndistan, Iran, Ortalyq Azııadaǵy memleketterdiń Aýǵanstandaǵy jaǵdaıdy retteýdegi orny men aımaqtaǵy qaýipsizdikti qamtamasyz etýdegi róli men 2014 jyldan keıingi Aýǵanstannyń jaǵdaıyna baılanysty boljam aıtylmaq. Oǵan AQSh tarapynan - Aýǵanstannyń Frantsııadaǵy jáne Kanadadaǵy burynǵy elshisi Omar Samad, Álem ınstıtýtynyń Aýǵanstan baǵdarlamasy jónindegi dırektorynyń orynbasary Skott Smıt, Karnegı qorynyń Ońtústik Azııa boıynsha dırektory Frederık Grar men basqa da sarapshylar qatysady dep kútilýde.