Almatyda aýǵan áıelderiniń qolóner buıymdarynyń kórmesi ótip jatyr
ALMATY. Maýymnyń 21-i. QazAqparat /Erbol Turymbetov/ - Búgin Almatydaǵy Oqýshylar saraıynda aýǵan áıelderiniń «Meni baspanasyz qaldyrsa da bolashaǵyma eshkim qol suǵa almaıdy» dep atalatyn qolóner buıymdarynyń kórmesi ashyldy,
dep habarlaıdy QazAqparat.
Ony Halyqaralyq bosqyndar kúni aıasynda BUU-nyń bosqyndar isteri jónindegi Joǵarǵy komıssary basqarmasy uıymdastyryp otyr. Byltyr álem boıynsha turǵylyqty ornyn aýystyrýǵa májbúr bolǵan 43 mıllıon adam tirkeldi. Onyń 15 mıllıony bosqyndar bolyp otyr.
Qazaqstandaǵy aýǵan bosqyndary belsendileriniń biri sanalatyn Jámılá Ahmedzaıdyń aıtýynsha, olarǵa bosqyndar mártebesi 1998 jyly berilgen. Bosqynǵa ushyraǵan aýǵan áıelderiniń qolymen jasalǵan bul kórmege olardyń «dol» dep atalatyn ulttyq urmaly aspaby, áıelderdiń jazǵy aıaq kıimderi, (paızar), bas kıimderi (chalma) jáne órnekti kilemderi men basqa turmystyq zattary qoıylǵan. Endi bul shara erteń Ortalyq kórme zalynda fookórmege, al 23-inde «Mega Alma-Ata» ortalyǵyndaǵy bosqyn balalarǵa arnalǵan mádenı is-sharalarǵa ulasady dep josparlanyp otyr.
