Almatyda Áýezov aýdanynyń turǵyndary táýelsizdik meıramyn atap ótti

ALMATY. QazAqparat - Natalıa Sats atyndaǵy Orys balalar men jasóspirimder teatrynda QR Táýelsizdik kúnine baılanysty merekelik is-shara ótti, dep habarlaıdy QazAqparat tilshisi.

Saltanaty sharaǵa Áýezov aýdanynyń ákimi Óskenbaev Ánýar, jeltoqsanshylar, memlekettik qyzmetkerler jáne aýdan turǵyndary qatysty.

«1991 jyly 16 jeltoqsanda biz óz táýelsizdigimizdi aldyq. Bizdiń ata-babamyz táýelsizdikti jyldar boıy ańsap ótken. Bizge osyndaı azat, beıbit elde turý mártebesi buıyrdy. 27 jyldyń ishinde Qazaqstan kóptegen jetistikterge qol jetkizdi. Elbasynyń «Uly dalanyń jeti qyry» maqalasynda aıtylǵandaı, «Tól tarıhyn biletin, baǵalaıtyn jáne maqtan etetin halyqtyń bolashaǵy zor bolady dep senemin. Ótkenin maqtan tutyp, búginin naqty baǵalaı bilý jáne bolashaqqa oń kózqaras tanytý - elimizdiń tabysty bolýynyń kepili degenimiz osy»,- dedi ákim Ánýar Óskenbaev.

Táýelsizdik kúnine arnalǵan kontsertte «Qurmanǵazy atyndaǵy Qazaq memlekettik akademııalyq halyq aspaptar orkestri» qazaq kúılerin oryndady.