Almatyda Áýezov aýdanyndaǵy 10 kásiporyn jumysshylaryna vaktsına salynady
ALMATY. QazAqparat - Almatyda 10 kásiporynnyń 802 jumysshysyna vaktsına salý josparda. Bul týraly Áýezov aýdanynyń ákimdigi málim etti, dep habarlaıdy QazAqparat tilshisi.
Ákimdik taratqan málimetke sáıkes, qazir aýdanda 14 myńnan astam adam bar, kún saıyn 22 egý pýnkti jumys istep jatyr. Barlyǵy 2470 medıtsına qyzmetkeri, 1914 bilim berý salasynyń ókilderi, 268 kúsh qurylymdarynyń qyzmetkerleri, 817 stýdent, 766 iri uıymdardyń qyzmetkerleri jáne basqa mamandyqtar boıynsha 8125 adamnyń vaktsına aldy.
Aıta keteıik, Áýezov aýdanynda vaktsınatsııalaýǵa jaýapty 9 medıtsınalyq uıym bar, 22 egý pýnkti ashyldy (emhanalarda, saýda ortalyqtarynda, mektepterde, jeke medıtsınalyq klınıkalarda).
Kún saıyn saǵat 8.00-den 20.00-ge deıin «Moskva Metropolitan», «Grand Park», «Asia Park», «Almaty Mall», «Sputnik Mall» iri saýda, oıyn-saýyq ortalyqtarynda vaktsınatsııa júrgiziledi.
Ekpe saldyrǵandar arasynda Áýezov aýdanynyń turǵyny, áleýmettik qyzmetker Tatıana Erkenova da bar .Ol E-Gov elektrondy úkimet portalynda tirkelip, vaktsınatsııa alýǵa onlaın ótinish bildirgen, odan ary oǵan egý pýnktine baratyn kúni, ýaqyty men ornalasqan orny jaıly habarlama kelgen.
«Men saýda ortalyǵyndaǵy egý pýnktine keldim, osy jerge jaqyn mańda jumys isteımin. Men saýalnama paraǵyn asyqpaı toltyrý úshin 15 mınýtqa erte keldim, aldyn ala jazylǵan ýaqytym kelgen kezde meni dárigerdiń qaraýyna, odan keıin egý kabınetine shaqyrdy. Ekpe alǵannan keıin 30 mınýt dárigerlerdiń baqylaýynda boldym. Bári jaqsy, azdaǵan álsizdik bolýy múmkin dep eskertken, soǵan qaramastan, ózimdi óte jaqsy sezinemin», - deıdi Tatıana Erkenova.
Áýezov aýdanynda eńbek ujymdarynyń qolaılyǵy úshin vaktsınalaýdy uıymdastyrý «Aqsaı» NÓK JShS, «Tsın-Qaz» JShS, «Tea House» JShS, «Kastıng» JShS sııaqty 10 iri ónerkásiptik kásiporyn bazasynda ótedi. Barlyǵy 802 jumysshyny koronavırýsqa qarsy egý josparlanýda. Búginde ónerkásip oryndarynda 81 adam vaktsına aldy.
