Almatyda áýesqoılyq trıatlonnan Qazaqstan chempıonaty ótedi
ALMATY. QazAqparat- Almatyda ústimizdegi jyldyń 27 qyrkúıeginde áýesqoılyq trıatlonnan «Almaty Triathlon» Qazaqstan chempıonaty ótedi. Bul týraly búgin Qazaqstannyń áýesqoılyq trıatlon federatsııasynan habarlady.
Uıymdastyrýshylardyń aıtýynsha, bul sporttyq sharany ótkizýdegi basty maqsat - halyqaralyq jarystarǵa daıyndalý, sportshylardyń áleýetin arttyrý jáne salamatty ómir saltyn nasıhattaý.
Jarystar áýesqoı jáne PRO sanattary boıynsha ótedi. Baǵdarlama boıynsha sportshylar 350 jáne 750 metrge júzedi, sodan keıin 10 jáne 20 shaqyrymǵa velosıpedpen jarysady jáne sońynda 2,5 jáne 5 shaqyrymǵa júgiredi.
«Almaty Triathlon-2015» sporttyq sharasyn ótkizýden túsken qarjy «Mıloserdıe» qaıyrymdylyq qoryna aýdarylady. Tirkelý sharttary https://www.reg.triathlon.kz saıtynda egjeı-tegjeıli aıtylǵan», - delingen habarlamada.
Sonymen, chempıonat Almaty qalasynyń Alataý aýdanynda ornalasqan Olımpıadalyq daıarlyq ortalyǵynda tańǵy saǵat 08:00-de bastalady.
