Almatyda áýesqoı komandalar arasynda mınıfýtboldan týrnırler bastalady
ALMATY. 19 aqpan. QazAqparat /Názıra Eleýhan/ - Almatyda 20 aqpan kúni «Fýtbol lend» sport kesheninde «Nur Otan» partııasynyń qoldaýymen áýesqoı komandalar arasynda shaǵyn fýtboldan «Fýtbol lend - Qysqy Kýbok - 2011» atty týrnır ótedi.
Atalmysh sharanyń uıymdastyrýshylary - «Fýtbol lend» sport kesheniniń basshylary. Sharanyń maqsaty - halyqty salaýatty ómir saltyn qurýǵa, belsendi demalysty uıymdastyrýǵa shaqyrý.
Týrnırge qalanyń ár túrli uıymdarynan 15 áýesqoı komanda qatysady. 5 apta boıy ótetin jarys 20 naýryzda aıaqtalady. Týrnırdiń jeńimpazdary uıymdastyrýshylardyń Kýboktarymen jáne «Nur Otan» partııasynyń gramotalarymen marapattalatyn bolady. Jarysta sonymen qatar, ádil-qazylar alqasy eń úzdik degen qaqpashyny, qorǵaýshy men jankúıerlerdi anyqtaıtyn bolady.
