Almatyda áýe reısteri keshigip ushyp jatyr
ALMATY. QazAqparat – Almatyda halyqaralyq áýejaıynda ondaǵan reıstiń ushý kestesine ózgerister engizildi, dep habarlaıdy QazAqparat tilshisi.
«Almaty áýejaıynda kórinis 40 metrge jetedi, gorızontaldy kórnis 75 metr shamasynda. Keshegi qalyń tumanda da áýejaı ushaqtardy qabyldady. Áýejaı tumandy aýa raıynda shtattyq rejimde jumys jasaıdy. Sebebi, jaqynda bul nysan IKAO ІІІ V kateorgııasy boıynsha sertıfıkat alǵan. Áýejaı qaıta jańǵyrtýdan ótkende tumanǵa qarsy arnaıy jaryqtandyrý quraldarymen qamtylǵan. Gorızontaldy kórinis 75 metr bolǵanǵa deıin ushaq qabyldaı alady, ári ushaqtar ushqan kezde kórinis 125 metrge tómendegenge deıin ushaq ushyra alady. Biraq, bul úshin áýe kompanııalarynyń ushaqtary men ekıpajynda ІІІ V dárejeli sertıfıkat bolýy shart. Eger ekıpajda sertıfıkat bolmasa ushaqtyń qonýyna, ushýyna ruqsat berilmeıdi. Osyǵan baılanysty áýejaıda ushaqtardyń ushý kestesinde ózgerister bolýda», - dedi áýejaıdan.
Kestege sáıkes, búgin, 11 jeltoqsanda:
Almaty - Nur-Sultan baǵytyndaǵy Skat DV713 reısi 12:00-den 14:30-ǵa,
Almaty-Qaraǵandy baǵytyndaǵy Skat DV781 áýe reısi 07:15-ten 14:30-ǵa;
Almaty – Óskemen baǵytyndaǵy AirAstana KS301 reısi tańǵy 06.25-ten keshki 17.30-ǵa;
Almaty - Nur-Sultan baǵytyndaǵy Skat DV733 reısi 12.00-den 13.27-ge;
Almaty – Bishkek baǵytyndaǵy AirAstana KS109 reısi 12.20-ten 14.50-ge;
Almaty – Aqtaý baǵytyndaǵy AirAstana KS859 reısi túski 15.30-dan 16.05-ke;
Almaty – Úrimji baǵytyndaǵy China Southern Airlines CZ6012 reısi 15.50-den tańǵy 06.30-ǵa;
Almaty - Seýl baǵytyndaǵy Astana Airlines OZ578 reısi 17.15-ten 19.02-ge;
Almaty – Óskemen baǵytyndaǵy Skat áýe kompanııasynyń DV725 reısi 9.30-dan saǵat 13.30-ǵa shegerildi.
Almaty - Shymkent baǵytyndaǵy AirAstana KS971 reısi Shymkenttegi meteoahýalǵa baılanysty tańǵy 7.35-ten keshki saǵat 17.30-ǵa keıingi qaldyryldy.
Al Qaraǵandydan Almatyǵa shyǵatyn Skat áýe kompanııasynyń DV781 reısi 7 saǵatqa;
Nur-Sultan – Almaty baǵytyndaǵy Skat DV713 reısi 2 saǵatqa;
Shymkent-Almaty baǵytyndaǵy Qazaq air reısi 3 saǵatqa, Semeı-Almaty baǵytyndaǵy Skat reısi 2,5 saǵat keshigip keletin boldy.Qazgıdromettiń habarlaýynsha, Qazaqstannyń 5 oblysynda Soltústik Qazaqstan, Qostanaı, Aqmola, Qyzylorda, Aqtóbe oblystarynda jáne Nur-Sultan qalasynda aýa raıynyń buzylýyna baılanysty eskertý jarııalandy.
Eske salsaq, keshe Almaty men Nur-Sultan qalalaryndaǵy áýe reısteri keshigip jatqany týraly habarlaǵan bolatynbyz.
