Almatyda áýe qorǵanysy áskeriniń general-maıory sottaldy
«Almaty garnızonynyń áskerı sotynda QR Qarýly kúshteriniń áýe qorǵanysy áskeriniń qolbasshysy, general-maıor S.Ismaılovqa, áskerı qolbasshynyń birinshi orynbasary, shtab basshysy, polkovnık J.Bernııazovqa, podpolkovnıktiń kómekshisi D.Alshorazovqa, 30131 áskerı bóliminiń A.Bektursynovqa qatysty sot otyrysy ótti», - dedi Almaty oblystyq áskerı sotynyń baspasóz qyzmetinen.
Іs materıaldaryna sáıkes, 2018 jyly maýsymda Ismaılov, Bernııazov, Alshorazov pen Bektursynov áskerılerge jalǵan syıaqy taǵaıyndap, 3 895 000 teńgeni qoldy etken.
Sot úkimine sáıkes S.Ismaılov QR QK 189-babynyń 3-bólimi, 1-2 tarmaqtary boıynsha aıypty dep tanylyp, 4 jylǵa bas bostandyǵynan aıryldy.
Endi ol memlekettik qyzmetke ómir boıy alynbaıdy.
QR QK 49-babynyń 2-bólimimen S. Ismaılovtyń general-maıor sheni men 2 dárejeli «Aıbyn» ordenin qaıtaryp alý jónindegit Prezıdentke usynys jiberildi.
J.Bernııazov QR QK 189-babynyń 3-bólimi, 1-2 tarmaqtary boıynsha aıypty dep tanylyp, 4 jylǵa bas bostandyǵynan aıryldy.
D.Alshorazov QR QK 189-babynyń 3-bólimi, 1-2 tarmaqtary boıynsha aıypty dep tanylyp, 5 jylǵa bas bostandyǵynan aıyryldy.
A. Bektursynov QR QK 189-babynyń 3-bólimi, 1-2 tarmaqtary boıynsha aıypty dep tanylyp, 3 jylǵa bas bostandyǵynan aıyryldy. Olardyń barlyǵyna memlekettik qyzmetke ornalasýǵa tyıym salyndy.
Aıta ketý kerek, áskerıler arasyndaǵy quqyqbuzýshylyqtyń aldyn alý maqsatynda sot úkimi kýrsanttardyń aldynda akt zalynda oqyldy.
Sot úkimi zańdy kúshine engen joq.