Almatyda áýe kompanııalarynyń biriniń keńsesine qaraqshylyq shabýyl jasaǵan qylmyskerler ustaldy

dep habarlaıdy QazAqparat.

Túngi 2-de qaqpadan sekirip túsip keńsege kirgen qylmyskerler kúzetshini aıaýsyz uryp-soǵyp, ózderimen birge temir seıfti, "Saıga-410K" ańshy myltyǵyn jáne qymbat noýtbýkty alyp ketken bolatyn.Qalalyq ishki ister departamentiniń Qylmystyq polıtsııa basqarmasynyń bastyǵy Amangeldi Shiderqulovtyń aıtýynsha, arnaıy qurylǵan jedel-tergeý toby aýqymdy is-sharalarynyń nátıjesinde shabýyl jasaǵandardyń úsheýin tutqynǵa aldy. Endi 4-shisi izdestirilýde. Olar Almaty oblysy Talǵar aýdanynyń turǵyndary bolyp otyr. Bul qylmystyń negizgi bastamashylary aǵaıyndy Maksım men Anton Petrovtar. Tergeý kezinde qylmyskerlerdiń seıftegi 1,5 mıllıon teńgeni ózara bólisip alǵany jáne onda Maksım men Antonnyń úlesi kóbirek bolǵany anyqtaldy.

«Petrovtardyń kishisi mototsıkl alýdy kópten armandap júrgeni belgili boldy. Qomaqty "oljadan" keıin ol ózine sporttyq úlgidegi "Honda" mototsıklin satyp alǵan. Al ózge zattaı aıǵaqtar jalǵa alǵan páterden tabyldy jáne ózderi osynda ustaldy", deıdi polkovnık Amangeldi Shiderqulov.