Almatyda Audi aýdarylyp, kólik ıesi kóz jumdy
ALMATY. Qazaqparat - Almatyda Qapshaǵaı tas jolynda Audi kóligi apatqa ushyrap, kólik ıesi kóz jumdy, dep habarlaıdy Qazaqparat tilshisi.
Jol apaty Qapshaǵaı tas jolynda tań aldynda bolǵan. Aldyn ala málimetterge qaraǵanda, kólik ıesiniń dosy rólde bolǵan. Al ıesi - er adam mas bolǵandyqtan, onyń qasynda otyrǵan.
Mas er adam rólge jarmasa bergen soń kólik joldan shyǵyp, aýnap ketken. Jol apatynan kólik ıesi sol jerde kóz jumsa, róldegi er adam jeńil jaraqat aldy.
Apattyń mán-jaıyn polıtsııa tekserip jatyr.
