Almatyda aýdarylyp qalǵan kóliktiń eki jolaýshysy zardap shekti
ALMATY. QazAqparat - Almatyda ótken túni bolǵan jol apatynyń saldarynan kólik aýdarylyp, eki adam zardap shekti, dep habarlaıdy QazAqparat tilshisi.
Jol-kólik oqıǵasy Qabanbaı batyr jáne Zenkov kósheleriniń qıylysynda boldy. Mersedes kóligi Qabanbaı batyr boıymen shyǵysqa qaraı jol júrip kele jatqan, al BMW markaly avtokóliginiń júrgizýshisi jol berý týraly belgini elemeı, joldyń qıylysyna shyǵyp ketip, Mersedeske soǵylǵan. Qatty soqqynyń saldarynan BMW kóligi aýnap tústi.
Jol apatynan BMW-nyń eki jolaýshysy zardap shegip, ekeýi de aýrýhanaǵa jetkizildi.
Polıtseıler jol apatynyń mán-jaıyn anyqtap jatyr.
