Almatyda aýdandyq sottyń sýdıasy para alý kúdigimen ustaldy

ALMATY. QazAqparat – Almaty qalasy Bostandyq aýdany sotynyń sýdıasy paramen ustaldy. Sybaılas jemqorlyq dereginiń jolyn QR Joǵarǵy sotynyń ishki qaýipsizdik jáne sybaılas jemqorlyqtyń aldyn alý bólimi men Almaty qalalyq sybaılas jemqorlyqqa qarsy kúres qyzmeti birigip kesti, dep habarlaıdy QazAqparat.

«Sýdıa senimdi tulǵalar arqyly 3 myń AQSh dollary kóleminde parany qaıtaryp jatqan jerinen áshkerelendi. Bul parany ol azamattyq istiń sheshimin keıinge qaldyrǵany úshin alǵan. 9 qarashada kúdikti sýdıaǵa qatysty sotqa deıingi tergeý jumystaryn jalǵastyrý týraly QR Bas prokýrorynyń kelisimi rásimdeldi», - dedi Sybaılas jemqorlyqqa qarsy mekemede.