Almatyda aýdandyq probatsııa qyzmetiniń ınspektory ustaldy

ALMATY. QazAqparat - Almatyda aýdandyq probatsııa qyzmetiniń mamany ustaldy, dep habarlaıdy QazAqparat Sybaılas jemqorlyqqa qarsy qyzmetke silteme jasap.

Almaty qalasynyń sybaılas jemqorlyqqa qarsy qyzmeti qalalyq qylmystyq-atqarý qyzmeti departamentiniń ózindik qaýipsizdik tobymen birlese otyryp, sybaılas jemqorlyq qylmysyn jasady dep kúdikke ilingen Túrksib aýdandyq probatsııa qyzmetiniń ınspektoryn áshkereledi.

«Ol laýazymdy tulǵa bola tura shartty merzimge sottalǵan adamǵa Almaty qalasynan tys jerlerge shyǵýǵa ruqsat berý úshin 100 000 teńge somasynda alaıaqtyq jolmen aqsha qarajatyn ıemdenýge oqtalǵany úshin kúdikke ilikti. 18 aqpanda kúdikti ustalyp, Almaty qalasy polıtsııa departamentiniń ýaqytsha ustaý abaqtysyna qamaldy» delingen habarlamada.

Qazirgi ýaqytta bultartpaý sharasyn tańdaý máselesi sheshilýde. Kúdiktige qatysty túpkilikti sheshimdi sot shyǵarady.